युद्धाच्या पार्श्वभूमीवर इराणमध्ये भूकंपाचे धक्के; बंदर अब्बास परिसर हादरला

 

 Image Source:(Internet)

अमेरिका आणि इस्रायलच्या हवाई हल्ल्यांच्या पार्श्वभूमीवर शनिवारी सकाळी इराणमध्ये (Iran) भूकंपाचे धक्के जाणवले. या भूकंपामुळे काही काळ नागरिकांमध्ये घबराट पसरली; मात्र कोणतीही जीवितहानी किंवा मोठे नुकसान झाल्याचे वृत्त नाही.

 

United States Geological Survey (USGS) च्या माहितीनुसार, भूकंपाची तीव्रता रिश्टर स्केलवर ४.१ इतकी नोंदवण्यात आली. हा भूकंप बंदर अब्बास या किनारी शहराजवळ जाणवला.

 

भूकंपाचा केंद्रबिंदू Hormozgan Province मधील बंदर अब्बासपासून सुमारे ७५ किलोमीटर पश्चिमेस असून, सुमारे १० किलोमीटर खोलीवर हा भूकंप झाला असल्याचे सांगण्यात आले.

 

दरम्यान, काही दिवसांपूर्वीही इराणमध्ये भूकंपाची घटना घडली होती. ३ मार्च रोजी रिश्टर स्केलवर ४.३ तीव्रतेचा भूकंप Fars Province मधील Gerash या भागात नोंदवण्यात आला होता.

 

सध्या अमेरिका-इराण तणावाच्या पार्श्वभूमीवर झालेल्या या भूकंपामुळे नागरिकांमध्ये काही काळ भीतीचे वातावरण निर्माण झाले होते. तथापि, अधिकाऱ्यांनी परिस्थिती नियंत्रणात असल्याचे स्पष्ट केले आहे.