व्हायरल व्हिडिओवर प्रतिभा धानोरकरांनी स्पष्ट केली भूमिका; श्यामकुमार बर्वेंबाबत म्हणाल्या, 'ते माझ्या मोठ्या भावासारखे!'
Total Views |
Image Source:(Internet)नागपूर/चंद्रपूर : काँग्रेसच्या खासदार प्रतिभा धानोरकर आणि रामटेकचे खासदार श्यामकुमार बर्वे यांचा बसमधील एक व्हिडिओ सोशल मीडियावर मोठ्या प्रमाणात व्हायरल झाला होता. या व्हिडिओमुळे राजकीय वर्तुळात विविध चर्चांना सुरुवात झाली. मात्र, या संपूर्ण प्रकरणावर आता प्रतिभा धानोरकर यांनी स्वतः स्पष्टीकरण दिले असून, बर्वे यांनी आपल्याला चापट मारल्याच्या चर्चांमध्ये तथ्य नसल्याचे स्पष्ट केले आहे.
प्रतिभा धानोरकर यांनी सांगितले की, काँग्रेसचे सर्व खासदार एकमेकांशी कौटुंबिक जिव्हाळ्याचे संबंध ठेवतात. आम्ही सर्वजण भाऊ-बहिणीप्रमाणे एकत्र असतो. श्यामकुमार बर्वे हे माझ्यासाठी मोठ्या भावासारखे आहेत. त्यामुळे बसमधील एका क्षणाच्या व्हिडिओवरून वेगवेगळे अर्थ काढणे चुकीचे असल्याचे त्यांनी म्हटले.
बदनामी करण्याचा प्रयत्न करू नका-
या व्हिडिओच्या माध्यमातून एका महिला खासदाराबाबत चुकीचे चित्र निर्माण केले जात असल्याची खंत धानोरकर यांनी व्यक्त केली. एखाद्या महिलेची अशा पद्धतीने बदनामी करणे योग्य नाही. या घटनेला अनावश्यक प्रसिद्धी देण्याची गरज नव्हती, असेही त्यांनी स्पष्ट केले.
याप्रकरणी काँग्रेसच्या वरिष्ठ नेत्यांकडे तक्रार करण्यात आल्याच्या चर्चांवरही त्यांनी प्रतिक्रिया दिली. अशा प्रकारची तक्रार करणारे आमचे हितचिंतक असतील किंवा राजकीय विरोधक असतील, अशी शक्यता त्यांनी व्यक्त केली. श्यामकुमार बर्वे यांनी खरोखरच आपल्याला चापट मारली असती, तर आपण स्वतः पक्षाच्या वरिष्ठ नेतृत्वाकडे तक्रार केली असती, असेही त्या म्हणाल्या.
दिल्लीतील बस प्रवासादरम्यान नेमके काय घडले?
१ नोव्हेंबर रोजी दिल्लीतील रामलीला मैदानावर काँग्रेसच्या वतीने 'व्होट चोरी'विरोधात महारॅली आयोजित करण्यात आली होती. या कार्यक्रमात सहभागी होण्यासाठी महाराष्ट्रातील काँग्रेसचे खासदार एका बसमधून रामलीला मैदानाकडे जात होते.
या प्रवासादरम्यान प्रतिभा धानोरकर, श्यामकुमार बर्वे आणि मुंबई काँग्रेसच्या नेत्या वर्षा गायकवाड यांच्यात चर्चा सुरू होती. त्याचवेळी बर्वे यांनी प्रतिभा धानोरकर यांच्या गालाला हात लावल्याचा प्रसंग व्हिडिओमध्ये कैद झाला. हा व्हिडिओ सोशल मीडियावर व्हायरल झाल्यानंतर त्यावरून विविध तर्कवितर्क लावले जाऊ लागले.
चर्चांना पूर्णविराम देण्याचा धानोरकरांचा प्रयत्न-
व्हिडिओ व्हायरल झाल्यानंतर या घटनेला राजकीय रंग दिला जात असल्याची चर्चा होती. मात्र, प्रतिभा धानोरकर यांनी पुढे येत बर्वे यांच्याबाबत आपली भूमिका स्पष्ट केली आहे. दोन्ही खासदारांमधील संबंधांबाबत त्यांनी दिलेल्या स्पष्टीकरणामुळे या प्रकरणाला नवे वळण मिळाले आहे.
दरम्यान, सोशल मीडियावर व्हायरल होणाऱ्या व्हिडिओवरून कोणताही निष्कर्ष काढण्यापूर्वी संबंधित व्यक्तींची बाजू जाणून घेणे महत्त्वाचे असल्याचे या प्रकरणातून पुन्हा अधोरेखित झाले आहे.
प्रतिभा धानोरकर यांनी सांगितले की, काँग्रेसचे सर्व खासदार एकमेकांशी कौटुंबिक जिव्हाळ्याचे संबंध ठेवतात. आम्ही सर्वजण भाऊ-बहिणीप्रमाणे एकत्र असतो. श्यामकुमार बर्वे हे माझ्यासाठी मोठ्या भावासारखे आहेत. त्यामुळे बसमधील एका क्षणाच्या व्हिडिओवरून वेगवेगळे अर्थ काढणे चुकीचे असल्याचे त्यांनी म्हटले.
बदनामी करण्याचा प्रयत्न करू नका-
या व्हिडिओच्या माध्यमातून एका महिला खासदाराबाबत चुकीचे चित्र निर्माण केले जात असल्याची खंत धानोरकर यांनी व्यक्त केली. एखाद्या महिलेची अशा पद्धतीने बदनामी करणे योग्य नाही. या घटनेला अनावश्यक प्रसिद्धी देण्याची गरज नव्हती, असेही त्यांनी स्पष्ट केले.
याप्रकरणी काँग्रेसच्या वरिष्ठ नेत्यांकडे तक्रार करण्यात आल्याच्या चर्चांवरही त्यांनी प्रतिक्रिया दिली. अशा प्रकारची तक्रार करणारे आमचे हितचिंतक असतील किंवा राजकीय विरोधक असतील, अशी शक्यता त्यांनी व्यक्त केली. श्यामकुमार बर्वे यांनी खरोखरच आपल्याला चापट मारली असती, तर आपण स्वतः पक्षाच्या वरिष्ठ नेतृत्वाकडे तक्रार केली असती, असेही त्या म्हणाल्या.
दिल्लीतील बस प्रवासादरम्यान नेमके काय घडले?
१ नोव्हेंबर रोजी दिल्लीतील रामलीला मैदानावर काँग्रेसच्या वतीने 'व्होट चोरी'विरोधात महारॅली आयोजित करण्यात आली होती. या कार्यक्रमात सहभागी होण्यासाठी महाराष्ट्रातील काँग्रेसचे खासदार एका बसमधून रामलीला मैदानाकडे जात होते.
या प्रवासादरम्यान प्रतिभा धानोरकर, श्यामकुमार बर्वे आणि मुंबई काँग्रेसच्या नेत्या वर्षा गायकवाड यांच्यात चर्चा सुरू होती. त्याचवेळी बर्वे यांनी प्रतिभा धानोरकर यांच्या गालाला हात लावल्याचा प्रसंग व्हिडिओमध्ये कैद झाला. हा व्हिडिओ सोशल मीडियावर व्हायरल झाल्यानंतर त्यावरून विविध तर्कवितर्क लावले जाऊ लागले.
चर्चांना पूर्णविराम देण्याचा धानोरकरांचा प्रयत्न-
व्हिडिओ व्हायरल झाल्यानंतर या घटनेला राजकीय रंग दिला जात असल्याची चर्चा होती. मात्र, प्रतिभा धानोरकर यांनी पुढे येत बर्वे यांच्याबाबत आपली भूमिका स्पष्ट केली आहे. दोन्ही खासदारांमधील संबंधांबाबत त्यांनी दिलेल्या स्पष्टीकरणामुळे या प्रकरणाला नवे वळण मिळाले आहे.
दरम्यान, सोशल मीडियावर व्हायरल होणाऱ्या व्हिडिओवरून कोणताही निष्कर्ष काढण्यापूर्वी संबंधित व्यक्तींची बाजू जाणून घेणे महत्त्वाचे असल्याचे या प्रकरणातून पुन्हा अधोरेखित झाले आहे.
