पुण्यात मनसेला धक्का; राज ठाकरेंच्या माजी शिलेदाराचा काँग्रेसमध्ये प्रवेश,रणजीत शिरोळेंनी बदलली राजकीय वाट

 

 Image Source:(Internet)

 

पुणे : महाराष्ट्र नवनिर्माण सेनेचे अध्यक्ष राज ठाकरे यांना पुण्यात राजकीय धक्का बसल्याची बातमी समोर आली आहे. मनसेचे माजी राज्य सरचिटणीस रणजीत शिरोळे Ranjit Shirole यांनी काँग्रेसमध्ये प्रवेश केल्याची माहिती समोर आली आहे. त्यामुळे पुण्यातील राजकीय वर्तुळात या पक्षबदलाची चर्चा सुरू झाली आहे.

 

रणजीत शिरोळे हे मनसेच्या स्थापनेपासून पक्षासोबत कार्यरत होते. त्यांनी संघटनेत विविध जबाबदाऱ्या सांभाळल्या असून, राज्य सरचिटणीस म्हणूनही काम पाहिले होते. पक्षाच्या संघटनात्मक कामात त्यांचा सहभाग होता. विशेष म्हणजे, २००९ च्या लोकसभा निवडणुकीत त्यांनी पुणे मतदारसंघातून मनसेच्या उमेदवारीवर निवडणूक लढवली होती.

 

मनसेमध्ये अनेक वर्षे काम केल्यानंतर रणजीत शिरोळे यांनी पक्षापासून वेगळे होण्याचा निर्णय घेतला. त्यानंतर आता त्यांनी काँग्रेसमध्ये प्रवेश केल्याची माहिती समोर आली आहे. त्यांच्या या निर्णयामुळे पुण्यातील मनसेच्या राजकीय समीकरणांवर आणि संघटनात्मक घडामोडींवर चर्चा सुरू झाली आहे.