पुढील वर्षी नरकासुर दहनाला मंत्री म्हणूनच येणार; रवी राणांचे मोठे विधान, मंत्रिपदाबाबत व्यक्त केला विश्वास
Total Views |
Image Source:(Internet)अमरावती : राज्याच्या राजकारणात मंत्रिमंडळ विस्ताराची चर्चा सुरू असतानाच आमदार रवी राणा यांनी मंत्रिपदाबाबत मोठे विधान केले आहे. अमरावतीच्या बडनेरा येथे पारंपरिक नरकासुर दहन सोहळ्याला उपस्थित राहिलेल्या रवी राणा यांनी पुढील वर्षी याच सोहळ्याला मंत्री म्हणूनच उपस्थित राहणार असल्याचा विश्वास व्यक्त केला. त्यांच्या या विधानामुळे राजकीय वर्तुळात नव्या चर्चेला सुरुवात झाली आहे.
बडनेरा येथे शेकडो वर्षांची परंपरा असलेल्या नरकासुर दहन सोहळ्याचे आयोजन करण्यात आले होते. या सोहळ्याला आमदार रवी राणा यांनी उपस्थिती लावली. त्यांच्या हस्ते नरकासुराच्या पुतळ्याचे दहन करण्यात आले. यावेळी उपस्थितांशी संवाद साधताना त्यांनी आपल्या राजकीय भवितव्याबाबत भाष्य केले. मला माझ्या नेत्यावर आणि नेतृत्वावर पूर्ण विश्वास आहे. मला शब्द देण्यात आला असून, आगामी काळात महाराष्ट्राचा मंत्री म्हणून शपथ घेईन, असा विश्वास रवी राणा यांनी व्यक्त केला.
इतकेच नव्हे, तर पुढील वर्षी नरकासुर दहन सोहळ्यासाठी बडनेऱ्यात येताना आपण मंत्री म्हणूनच उपस्थित राहू, असेही त्यांनी ठामपणे सांगितले. त्यांच्या या विधानातून मंत्रिपदाबाबतची अपेक्षा आणि नेतृत्वाकडून मिळालेल्या आश्वासनावर असलेला विश्वास दिसून आला. त्यामुळे रवी राणा यांना आगामी मंत्रिमंडळ विस्तारात संधी मिळणार का, याबाबत राजकीय चर्चांना वेग येण्याची शक्यता आहे.
मंत्रिपदाची जबाबदारी मिळाल्यानंतर केवळ बडनेरा मतदारसंघापुरते मर्यादित न राहता अमरावती जिल्हा आणि संपूर्ण महाराष्ट्राच्या विकासासाठी काम करण्याचा निर्धारही त्यांनी व्यक्त केला. बडनेरा, अमरावती जिल्हा आणि महाराष्ट्राला न्याय देण्याचे काम करेन, असे रवी राणा म्हणाले. त्यामुळे त्यांच्या या विधानाकडे आगामी मंत्रिमंडळातील संभाव्य समावेशाच्या पार्श्वभूमीवर पाहिले जात आहे.
दरम्यान, रवी राणा यांनी व्यक्त केलेला विश्वास प्रत्यक्षात कितपत उतरतो आणि मंत्रिमंडळ विस्तारात त्यांना संधी मिळते का, हे आगामी काळात स्पष्ट होणार आहे. मात्र, पुढील वर्षी मंत्री म्हणूनच नरकासुर दहनाला येण्याच्या त्यांच्या विधानाने अमरावतीच्या राजकीय वर्तुळात चर्चेला नवा विषय दिला आहे.
बडनेरा येथे शेकडो वर्षांची परंपरा असलेल्या नरकासुर दहन सोहळ्याचे आयोजन करण्यात आले होते. या सोहळ्याला आमदार रवी राणा यांनी उपस्थिती लावली. त्यांच्या हस्ते नरकासुराच्या पुतळ्याचे दहन करण्यात आले. यावेळी उपस्थितांशी संवाद साधताना त्यांनी आपल्या राजकीय भवितव्याबाबत भाष्य केले. मला माझ्या नेत्यावर आणि नेतृत्वावर पूर्ण विश्वास आहे. मला शब्द देण्यात आला असून, आगामी काळात महाराष्ट्राचा मंत्री म्हणून शपथ घेईन, असा विश्वास रवी राणा यांनी व्यक्त केला.
इतकेच नव्हे, तर पुढील वर्षी नरकासुर दहन सोहळ्यासाठी बडनेऱ्यात येताना आपण मंत्री म्हणूनच उपस्थित राहू, असेही त्यांनी ठामपणे सांगितले. त्यांच्या या विधानातून मंत्रिपदाबाबतची अपेक्षा आणि नेतृत्वाकडून मिळालेल्या आश्वासनावर असलेला विश्वास दिसून आला. त्यामुळे रवी राणा यांना आगामी मंत्रिमंडळ विस्तारात संधी मिळणार का, याबाबत राजकीय चर्चांना वेग येण्याची शक्यता आहे.
मंत्रिपदाची जबाबदारी मिळाल्यानंतर केवळ बडनेरा मतदारसंघापुरते मर्यादित न राहता अमरावती जिल्हा आणि संपूर्ण महाराष्ट्राच्या विकासासाठी काम करण्याचा निर्धारही त्यांनी व्यक्त केला. बडनेरा, अमरावती जिल्हा आणि महाराष्ट्राला न्याय देण्याचे काम करेन, असे रवी राणा म्हणाले. त्यामुळे त्यांच्या या विधानाकडे आगामी मंत्रिमंडळातील संभाव्य समावेशाच्या पार्श्वभूमीवर पाहिले जात आहे.
दरम्यान, रवी राणा यांनी व्यक्त केलेला विश्वास प्रत्यक्षात कितपत उतरतो आणि मंत्रिमंडळ विस्तारात त्यांना संधी मिळते का, हे आगामी काळात स्पष्ट होणार आहे. मात्र, पुढील वर्षी मंत्री म्हणूनच नरकासुर दहनाला येण्याच्या त्यांच्या विधानाने अमरावतीच्या राजकीय वर्तुळात चर्चेला नवा विषय दिला आहे.
