भाजपच्या टीकेनंतर एकनाथ शिंदेंचा नेत्यांना थेट आदेश; युतीतील वादावर तूर्तास मौन बाळगण्याच्या सूचना!
Total Views |
Image Source:(Internet)मुंबई : विधान परिषद निवडणुकीच्या निकालानंतर भाजप आणि शिवसेना (शिंदे गट) यांच्यात आरोप-प्रत्यारोप सुरू झाले आहेत. या वादामुळे महायुतीमध्ये तणावाचे वातावरण निर्माण झाले असतानाच उपमुख्यमंत्री एकनाथ शिंदे यांनी आपल्या पक्षातील नेते आणि पदाधिकाऱ्यांना महत्त्वाच्या सूचना दिल्या आहेत. यापुढे मित्रपक्षांवर कोणीही टीका करू नये आणि या प्रकरणावर सार्वजनिक भाष्य करणे टाळावे, असे स्पष्ट आदेश शिंदे यांनी दिल्याची माहिती शिवसेनेचे प्रवक्ते आनंद परांजपे यांनी दिली.
आनंद परांजपे यांनी प्रसारमाध्यमांशी संवाद साधताना सांगितले की, शिवसेनेच्या कोणत्याही प्रवक्त्याने, पदाधिकाऱ्याने किंवा नेत्याने मित्रपक्षांवर कोणत्याही प्रकारची टीका करू नये, अशा सूचना एकनाथ शिंदे यांनी दिल्या आहेत. या विषयावर आता कोणीही बोलू नये. वरिष्ठ पातळीवर यासंदर्भात चर्चा करण्यात येईल, असेही शिंदे यांनी स्पष्ट केले आहे.
'दोस्तीमध्ये कुस्ती होऊ नये'; परांजपेंचे मित्रपक्षांना आवाहन-
आम्ही चार ठिकाणी युतीधर्म पाळला आहे आणि यापुढेही तो पाळत राहणार आहोत. त्यामुळे कोणत्याही प्रकारची टीका करण्याचे टाळले पाहिजे, असे एकनाथ शिंदे यांनी सांगितल्याचे परांजपे म्हणाले. महायुतीतील तिन्ही पक्षांमध्ये भविष्यात अधिक चांगला समन्वय कसा निर्माण करता येईल, यावर वरिष्ठ पातळीवर चर्चा होईल, अशी अपेक्षाही त्यांनी व्यक्त केली.
'दोस्तीमध्ये कुस्ती होऊ नये,' अशीच आमची मित्रपक्षांकडून अपेक्षा आहे, असे म्हणत परांजपे यांनी भाजप आणि राष्ट्रवादी काँग्रेसच्या नेत्यांनाही संयम बाळगण्याचे आवाहन केले.
मित्रपक्षांनीही शिवसेनेवर आरोप टाळावेत-
उपमुख्यमंत्री एकनाथ शिंदे आणि राष्ट्रवादी काँग्रेसच्या नेत्या तथा उपमुख्यमंत्री सुनेत्रा पवार हे महायुतीतील समन्वय वाढवण्यासाठी नक्कीच चर्चा करतील. मात्र, मित्रपक्षांनीही शिवसेनेवर कोणत्याही प्रकारचे आरोप करणे टाळले पाहिजे. भाजप आणि राष्ट्रवादीच्या प्रवक्त्यांनी तसेच नेत्यांनी याबाबत काळजी घ्यावी, असे आवाहन परांजपे यांनी केले.
प्रवीण दरेकरांना मर्यादा पाळण्याचा इशारा-
दरम्यान, भाजप नेते प्रवीण दरेकर यांनी केलेल्या टीकेवरही आनंद परांजपे यांनी नाराजी व्यक्त केली. भाजपच्या प्रवक्त्यांनी वापरलेली भाषा महायुतीसाठी योग्य नसल्याचे ते म्हणाले.
मराठी भाषा अत्यंत समृद्ध आहे आणि आमच्याकडेही शब्दांचा मोठा संग्रह आहे. आम्हीही त्याच भाषेत प्रत्युत्तर देऊ शकतो, असा सूचक इशाराही त्यांनी दिला. मात्र, महायुतीमध्ये कोणत्याही पक्षाने दुसऱ्या पक्षावर टीका करू नये, हीच आमची अपेक्षा असल्याचे त्यांनी स्पष्ट केले.
युती टिकावी की नाही, हा प्रश्न प्रवीण दरेकरांना वाटत असेल; मात्र त्यांनी आपल्या मर्यादा ओलांडून टीका करू नये, असे परांजपे यांनी सुनावले.
एकूणच, विधान परिषद निवडणुकीच्या निकालानंतर महायुतीतील भाजप आणि शिवसेना यांच्यात निर्माण झालेला वाद शांत करण्यासाठी एकनाथ शिंदे यांनी आपल्या पक्षातील नेत्यांना मौन बाळगण्याच्या सूचना दिल्या आहेत. आता मित्रपक्षांच्या नेत्यांकडूनही संयम दाखवला जातो का आणि वरिष्ठ पातळीवरील चर्चेतून हा तणाव कमी होतो का, याकडे राजकीय वर्तुळाचे लक्ष लागले आहे.
आनंद परांजपे यांनी प्रसारमाध्यमांशी संवाद साधताना सांगितले की, शिवसेनेच्या कोणत्याही प्रवक्त्याने, पदाधिकाऱ्याने किंवा नेत्याने मित्रपक्षांवर कोणत्याही प्रकारची टीका करू नये, अशा सूचना एकनाथ शिंदे यांनी दिल्या आहेत. या विषयावर आता कोणीही बोलू नये. वरिष्ठ पातळीवर यासंदर्भात चर्चा करण्यात येईल, असेही शिंदे यांनी स्पष्ट केले आहे.
'दोस्तीमध्ये कुस्ती होऊ नये'; परांजपेंचे मित्रपक्षांना आवाहन-
आम्ही चार ठिकाणी युतीधर्म पाळला आहे आणि यापुढेही तो पाळत राहणार आहोत. त्यामुळे कोणत्याही प्रकारची टीका करण्याचे टाळले पाहिजे, असे एकनाथ शिंदे यांनी सांगितल्याचे परांजपे म्हणाले. महायुतीतील तिन्ही पक्षांमध्ये भविष्यात अधिक चांगला समन्वय कसा निर्माण करता येईल, यावर वरिष्ठ पातळीवर चर्चा होईल, अशी अपेक्षाही त्यांनी व्यक्त केली.
'दोस्तीमध्ये कुस्ती होऊ नये,' अशीच आमची मित्रपक्षांकडून अपेक्षा आहे, असे म्हणत परांजपे यांनी भाजप आणि राष्ट्रवादी काँग्रेसच्या नेत्यांनाही संयम बाळगण्याचे आवाहन केले.
मित्रपक्षांनीही शिवसेनेवर आरोप टाळावेत-
उपमुख्यमंत्री एकनाथ शिंदे आणि राष्ट्रवादी काँग्रेसच्या नेत्या तथा उपमुख्यमंत्री सुनेत्रा पवार हे महायुतीतील समन्वय वाढवण्यासाठी नक्कीच चर्चा करतील. मात्र, मित्रपक्षांनीही शिवसेनेवर कोणत्याही प्रकारचे आरोप करणे टाळले पाहिजे. भाजप आणि राष्ट्रवादीच्या प्रवक्त्यांनी तसेच नेत्यांनी याबाबत काळजी घ्यावी, असे आवाहन परांजपे यांनी केले.
प्रवीण दरेकरांना मर्यादा पाळण्याचा इशारा-
दरम्यान, भाजप नेते प्रवीण दरेकर यांनी केलेल्या टीकेवरही आनंद परांजपे यांनी नाराजी व्यक्त केली. भाजपच्या प्रवक्त्यांनी वापरलेली भाषा महायुतीसाठी योग्य नसल्याचे ते म्हणाले.
मराठी भाषा अत्यंत समृद्ध आहे आणि आमच्याकडेही शब्दांचा मोठा संग्रह आहे. आम्हीही त्याच भाषेत प्रत्युत्तर देऊ शकतो, असा सूचक इशाराही त्यांनी दिला. मात्र, महायुतीमध्ये कोणत्याही पक्षाने दुसऱ्या पक्षावर टीका करू नये, हीच आमची अपेक्षा असल्याचे त्यांनी स्पष्ट केले.
युती टिकावी की नाही, हा प्रश्न प्रवीण दरेकरांना वाटत असेल; मात्र त्यांनी आपल्या मर्यादा ओलांडून टीका करू नये, असे परांजपे यांनी सुनावले.
एकूणच, विधान परिषद निवडणुकीच्या निकालानंतर महायुतीतील भाजप आणि शिवसेना यांच्यात निर्माण झालेला वाद शांत करण्यासाठी एकनाथ शिंदे यांनी आपल्या पक्षातील नेत्यांना मौन बाळगण्याच्या सूचना दिल्या आहेत. आता मित्रपक्षांच्या नेत्यांकडूनही संयम दाखवला जातो का आणि वरिष्ठ पातळीवरील चर्चेतून हा तणाव कमी होतो का, याकडे राजकीय वर्तुळाचे लक्ष लागले आहे.
