IND vs NZ : 226 धावांचं लक्ष्य पार करत भारताचा विजय; संजू सॅमसन-नमन धीरची फटकेबाजी
Total Views |
Image Source:(Internet)नवी दिल्ली : भारत आणि न्यूझीलंड यांच्यातील टी-20 मालिकेची सुरुवात भारतीय संघाने दमदार विजयाने केली आहे. पहिल्या टी-20 सामन्यात भारताने न्यूझीलंडने दिलेल्या 226 धावांच्या लक्ष्याचा यशस्वी पाठलाग करत चार विकेट्सने विजय मिळवला. संजू सॅमसन आणि नमन धीर यांच्या आक्रमक फलंदाजीमुळे भारतीय संघाला हा विजय मिळवता आला.
न्यूझीलंडने प्रथम फलंदाजी करताना निर्धारित 20 षटकांत चार विकेट्स गमावून 225 धावा केल्या. त्यामुळे भारतासमोर विजयासाठी 226 धावांचे मोठे आव्हान होते. भारतीय फलंदाजांनी सुरुवातीपासूनच आक्रमक पवित्रा घेत लक्ष्याचा पाठलाग केला आणि दोन चेंडू शिल्लक असताना विजयावर शिक्कामोर्तब केले.
संजू सॅमसन-अभिषेक शर्माची आक्रमक सुरुवात-
भारताच्या डावाची सुरुवात संजू सॅमसन आणि अभिषेक शर्मा यांनी धडाकेबाज पद्धतीने केली. दोघांनी अवघ्या 5.5 षटकांत 93 धावांची भागीदारी करत न्यूझीलंडच्या गोलंदाजांवर दबाव निर्माण केला. संजूने 33 चेंडूंत 67 धावांची खेळी केली. त्याच्या खेळीत आठ चौकार आणि चार षटकारांचा समावेश होता. अभिषेक शर्माने 12 चेंडूंत 29 धावा करत संघाला वेगवान सुरुवात करून दिली.
मात्र, त्यानंतर न्यूझीलंडच्या गोलंदाजांनी सामन्यात पुनरागमन करण्याचा प्रयत्न केला. अभिषेक शर्मा, संजू सॅमसन, तिलक वर्मा आणि इशान किशन यांच्या विकेट्स गेल्याने भारताची स्थिती काहीशी अडचणीची झाली.
नमन धीरच्या फटकेबाजीने विजयावर शिक्कामोर्तब-
मधल्या फळीत श्रेयस अय्यर आणि अक्षर पटेल यांनी महत्त्वाची भागीदारी करत भारताचा डाव सावरला. अक्षरने 24 धावा केल्या, तर श्रेयस अय्यरने 28 चेंडूंत 42 धावांचे योगदान दिले.
यानंतर नमन धीरने आक्रमक फलंदाजी करत सामन्याचे चित्र बदलले. त्याने अवघ्या 15 चेंडूंत 42 धावा फटकावल्या. त्याच्या खेळीत पाच चौकार आणि दोन षटकारांचा समावेश होता. नमनच्या फटकेबाजीमुळे भारताने कठीण लक्ष्य गाठत मालिकेत विजयी सुरुवात केली.
दरम्यान, न्यूझीलंडने 225 धावा उभारल्याने भारतीय गोलंदाजीच्या कामगिरीवरही प्रश्न उपस्थित होऊ शकतात. मात्र, फलंदाजांनी दाखवलेल्या आक्रमक खेळाच्या जोरावर भारताने पहिल्या सामन्यात बाजी मारली. आता मालिकेतील पुढील सामन्यांत भारतीय संघ आपली विजयी लय कायम ठेवतो का, याकडे क्रिकेटप्रेमींचे लक्ष लागले आहे.
न्यूझीलंडने प्रथम फलंदाजी करताना निर्धारित 20 षटकांत चार विकेट्स गमावून 225 धावा केल्या. त्यामुळे भारतासमोर विजयासाठी 226 धावांचे मोठे आव्हान होते. भारतीय फलंदाजांनी सुरुवातीपासूनच आक्रमक पवित्रा घेत लक्ष्याचा पाठलाग केला आणि दोन चेंडू शिल्लक असताना विजयावर शिक्कामोर्तब केले.
संजू सॅमसन-अभिषेक शर्माची आक्रमक सुरुवात-
भारताच्या डावाची सुरुवात संजू सॅमसन आणि अभिषेक शर्मा यांनी धडाकेबाज पद्धतीने केली. दोघांनी अवघ्या 5.5 षटकांत 93 धावांची भागीदारी करत न्यूझीलंडच्या गोलंदाजांवर दबाव निर्माण केला. संजूने 33 चेंडूंत 67 धावांची खेळी केली. त्याच्या खेळीत आठ चौकार आणि चार षटकारांचा समावेश होता. अभिषेक शर्माने 12 चेंडूंत 29 धावा करत संघाला वेगवान सुरुवात करून दिली.
मात्र, त्यानंतर न्यूझीलंडच्या गोलंदाजांनी सामन्यात पुनरागमन करण्याचा प्रयत्न केला. अभिषेक शर्मा, संजू सॅमसन, तिलक वर्मा आणि इशान किशन यांच्या विकेट्स गेल्याने भारताची स्थिती काहीशी अडचणीची झाली.
नमन धीरच्या फटकेबाजीने विजयावर शिक्कामोर्तब-
मधल्या फळीत श्रेयस अय्यर आणि अक्षर पटेल यांनी महत्त्वाची भागीदारी करत भारताचा डाव सावरला. अक्षरने 24 धावा केल्या, तर श्रेयस अय्यरने 28 चेंडूंत 42 धावांचे योगदान दिले.
यानंतर नमन धीरने आक्रमक फलंदाजी करत सामन्याचे चित्र बदलले. त्याने अवघ्या 15 चेंडूंत 42 धावा फटकावल्या. त्याच्या खेळीत पाच चौकार आणि दोन षटकारांचा समावेश होता. नमनच्या फटकेबाजीमुळे भारताने कठीण लक्ष्य गाठत मालिकेत विजयी सुरुवात केली.
दरम्यान, न्यूझीलंडने 225 धावा उभारल्याने भारतीय गोलंदाजीच्या कामगिरीवरही प्रश्न उपस्थित होऊ शकतात. मात्र, फलंदाजांनी दाखवलेल्या आक्रमक खेळाच्या जोरावर भारताने पहिल्या सामन्यात बाजी मारली. आता मालिकेतील पुढील सामन्यांत भारतीय संघ आपली विजयी लय कायम ठेवतो का, याकडे क्रिकेटप्रेमींचे लक्ष लागले आहे.
