दिवाळीत एसटी संपाचे सावट; ६ नोव्हेंबरपासून राज्यभरातील बससेवा बंद होण्याची शक्यता
Total Views |
Image Source:(Internet)मुंबई : दिवाळीच्या काळात गावाकडे जाणाऱ्या प्रवाशांच्या प्रवासात अडथळे निर्माण होण्याची शक्यता आहे. महाराष्ट्र राज्य मार्ग परिवहन महामंडळाच्या (एसटी) कर्मचाऱ्यांनी प्रलंबित मागण्यांसाठी ६ नोव्हेंबरपासून राज्यव्यापी संपाचा इशारा दिला आहे. त्यामुळे सणासुदीच्या दिवसांत लालपरीची सेवा विस्कळीत होण्याची शक्यता निर्माण झाली आहे.
एसटी कर्मचाऱ्यांनी आपल्या मागण्यांकडे राज्य सरकारचे लक्ष वेधण्यासाठी मुख्यमंत्री देवेंद्र फडणवीस यांना निवेदन पाठवले आहे. कर्मचाऱ्यांना दर महिन्याच्या ७ तारखेपर्यंत वेतन देण्यात यावे, ६० टक्के महागाई भत्ता लागू करावा आणि दिवाळीनिमित्त प्रत्येकी १५ हजार रुपये बोनस मिळावा, अशा मागण्या या निवेदनातून करण्यात आल्या आहेत.
कर्मचाऱ्यांच्या म्हणण्यानुसार, विविध मागण्या दीर्घकाळापासून प्रलंबित असून त्यावर ठोस निर्णय होणे आवश्यक आहे. सरकारने मागण्यांची दखल घेऊन सकारात्मक पावले उचलावीत, अशी अपेक्षा कामगार संघटनांनी व्यक्त केली आहे. अन्यथा ६ नोव्हेंबरपासून राज्यभर आंदोलन सुरू करण्याचा इशारा देण्यात आला आहे.
दिवाळीच्या सुट्ट्यांमध्ये एसटी बसने प्रवास करणाऱ्यांची संख्या मोठी असते. ग्रामीण भागासह अनेक शहरांना जोडणारी लालपरी सर्वसामान्य प्रवाशांसाठी महत्त्वाची वाहतूक व्यवस्था आहे. अशा वेळी संप झाल्यास प्रवाशांना खासगी बस, रेल्वे किंवा अन्य पर्यायांचा आधार घ्यावा लागू शकतो. त्यातून प्रवासाचे नियोजन आणि खर्च यांवरही परिणाम होण्याची शक्यता आहे.
एसटी कर्मचाऱ्यांच्या मागण्यांवर सरकार आणि महामंडळ प्रशासन कोणती भूमिका घेते, याकडे आता लक्ष लागले आहे. दिवाळीच्या काळातील संभाव्य गैरसोय टाळण्यासाठी संपापूर्वी तोडगा निघणार का, हे पाहणे महत्त्वाचे ठरणार आहे.
एसटी कर्मचाऱ्यांनी आपल्या मागण्यांकडे राज्य सरकारचे लक्ष वेधण्यासाठी मुख्यमंत्री देवेंद्र फडणवीस यांना निवेदन पाठवले आहे. कर्मचाऱ्यांना दर महिन्याच्या ७ तारखेपर्यंत वेतन देण्यात यावे, ६० टक्के महागाई भत्ता लागू करावा आणि दिवाळीनिमित्त प्रत्येकी १५ हजार रुपये बोनस मिळावा, अशा मागण्या या निवेदनातून करण्यात आल्या आहेत.
कर्मचाऱ्यांच्या म्हणण्यानुसार, विविध मागण्या दीर्घकाळापासून प्रलंबित असून त्यावर ठोस निर्णय होणे आवश्यक आहे. सरकारने मागण्यांची दखल घेऊन सकारात्मक पावले उचलावीत, अशी अपेक्षा कामगार संघटनांनी व्यक्त केली आहे. अन्यथा ६ नोव्हेंबरपासून राज्यभर आंदोलन सुरू करण्याचा इशारा देण्यात आला आहे.
दिवाळीच्या सुट्ट्यांमध्ये एसटी बसने प्रवास करणाऱ्यांची संख्या मोठी असते. ग्रामीण भागासह अनेक शहरांना जोडणारी लालपरी सर्वसामान्य प्रवाशांसाठी महत्त्वाची वाहतूक व्यवस्था आहे. अशा वेळी संप झाल्यास प्रवाशांना खासगी बस, रेल्वे किंवा अन्य पर्यायांचा आधार घ्यावा लागू शकतो. त्यातून प्रवासाचे नियोजन आणि खर्च यांवरही परिणाम होण्याची शक्यता आहे.
एसटी कर्मचाऱ्यांच्या मागण्यांवर सरकार आणि महामंडळ प्रशासन कोणती भूमिका घेते, याकडे आता लक्ष लागले आहे. दिवाळीच्या काळातील संभाव्य गैरसोय टाळण्यासाठी संपापूर्वी तोडगा निघणार का, हे पाहणे महत्त्वाचे ठरणार आहे.
