मोदी सरकारची मोठी कामगिरी: भारत-यूरोपीय संघ व्यापार करारावर स्वाक्षरी

 

 Image Source:(Internet)

पंतप्रधान नरेंद्र मोदी (Modi) यांनी भारत-यूरोपीय संघ मुक्त व्यापार करार (FTA) वर स्वाक्षरी झाल्याची मंगळवारी घोषणा केली. या कराराद्वारे जागतिक GDP चा २५ टक्के आणि जागतिक व्यापाराचा सुमारे एक तृतीयांश भाग व्यापला जातो, असे मोदींनी सांगितले.

 

‘भारतीय ऊर्जा सप्ताह’ च्या ऑनलाइन कार्यक्रमात बोलताना मोदींनी या महत्त्वाच्या करारासाठी सर्वांना शुभेच्छा दिल्या आणि म्हणाले, “मी तुम्हाला एक महत्त्वाचा टप्पा सांगू इच्छितो… काल (सोमवार) भारत आणि युरोप दरम्यान एक मोठा करार झाला आहे.”

 

मोदी म्हणाले की लोक हा करार ‘मदर ऑफ ऑल द डील्स’ (सर्वात महत्त्वाचा करार) म्हणून ओळखत आहेत. या करारामुळे १४० कोटी भारतीयांसह युरोपियन लोकांसाठीही अनेक संधी निर्माण झाल्या आहेत.

 

मोदी यांनी सांगितले, “हा करार जगातील दोन प्रमुख अर्थव्यवस्थांमधील समन्वयाचा उत्कृष्ट नमुना आहे. हा करार जागतिक GDP चा २५ टक्के आणि जागतिक व्यापाराचा एक तृतीयांश भाग व्यापतो.”

 

यूरोपीय संघासोबतचा हा मुक्त व्यापार करार ब्रिटन आणि युरोपीय मुक्त व्यापार संघ (EFTA) सोबत झालेल्या करारांचा पूरक ठरेल. यामुळे जागतिक व्यापार आणि पुरवठा साखळी दोन्ही अधिक मजबूत होतील.

 

मोदींनी वस्त्रोद्योग, रत्न आणि दागदागिने, चर्म व बूट उद्योगांशी संबंधित तरुणांना आणि सर्व सहकार्यांना शुभेच्छा दिल्या.

 

पंतप्रधानांनी सांगितले की हा करार देशातील उत्पादन क्षेत्राला चालना देईल तसेच सेवा क्षेत्राचा विस्तारही होईल.हा मुक्त व्यापार करार जगभरातील प्रत्येक व्यवसाय आणि गुंतवणूकदारांचा भारतावरील विश्वास वाढवेल. भारत सर्व क्षेत्रांत जागतिक भागीदारीस प्राधान्य देत आहे,” असे मोदींनी नमूद केले.