अमेरिका-भारत संबंधात सुधारणा;मोदी-ट्रम्प यांची लवकरच होणार भेट!

 

 Image Source:(Internet)

गेल्या काही महिन्यांत भारत (India) -अमेरिका संबंध तणावग्रस्त झाले होते. अमेरिकेच्या राष्ट्राध्यक्ष डोनाल्ड ट्रम्प यांनी भारतीय आयातींवर 50% कर लादल्यामुळे व्यापारावर विपरीत परिणाम झाला होता. पण अलीकडेच दोन्ही देशांमध्ये संवाद सुरू झाला आहे आणि सकारात्मक संकेत दिसू लागले आहेत.

 

परराष्ट्र विभागाच्या वरिष्ठ अधिकाऱ्याच्या माहितीनुसार, पंतप्रधान नरेंद्र मोदी आणि राष्ट्राध्यक्ष ट्रम्प यांची लवकरच बैठक होण्याची शक्यता आहे. “दोघांमध्ये खूप सकारात्मक संबंध आहेत. यंदा न झाल्यास पुढच्या वर्षी होणाऱ्या QUAD लीडर्स शिखर परिषदेच्या निमित्ताने चर्चा निश्चित होईल,” असे त्यांनी सांगितले.

 

अमेरिकेच्या टॅरिफमुळे भारत-अमेरिका व्यापारावर परिणाम झाला होता. ऑपरेशन सिंदूरनंतर पाकिस्तानमधील दहशतवाद्यांविरोधातील भारताची भूमिका आणि रशिया-युक्रेन युद्धावर मतभेद यामुळे तणाव वाढला होता. परंतु आता दोन्ही देश व्यापार करार आणि इतर द्विपक्षीय बाबींवर चर्चा करण्यास तयार आहेत.

 

पडद्यामागील तयारी- 

सध्या परराष्ट्र मंत्री एस. जयशंकर यांच्या माध्यमातून दोन्ही देशांमधील संवाद चालू आहे. सोशल मीडियावर शुभेच्छा आणि संयुक्त राष्ट्रांच्या परिषदेत संभाव्य भेट यासारखे अनेक स्तरांवर संपर्क साधण्यात आला आहे. आता परिस्थिती हळूहळू सामान्य होत असून, पंतप्रधान मोदी आणि ट्रम्प यांची भेट लवकरच ठरू शकते.