विदर्भात पावसाचा इशारा; नागपूरसह पाच जिल्ह्यांत सतर्कतेचे आवाहन

 

 (Image Source-Internet)

हवामान विभागाने पुढील तीन तासांत विदर्भातील (Vidarbha) नागपूर, भंडारा, गोंदिया, चंद्रपूर आणि गडचिरोली या जिल्ह्यांत पावसाच्या जोरदार सरींसह विजांचा कडकडाट होण्याची शक्यता वर्तवली आहे. त्यामुळे नागरिकांनी आवश्यक ती काळजी घेण्याचे आवाहन प्रशासनाकडून करण्यात आले आहे.

 

अनपेक्षित हवामान बदलामुळे लोकांना त्रास होऊ नये, यासाठी अनावश्यक प्रवास टाळणे, सुरक्षित जागी थांबणे आणि वीज कोसळत असताना झाडाखाली थांबण्याचे टाळणे गरजेचे असल्याचे सांगण्यात आले आहे.

 

भंडारा आणि गोंदियात हलका पाऊस सुरू झाला असून, चंद्रपूर व गडचिरोली जिल्ह्यांमध्ये आभाळ भरून आले आहे. नागपूर शहरातदेखील दाट ढगांची उपस्थिती असून, कोणत्याही क्षणी पाऊस कोसळण्याचा अंदाज हवामान खात्याने व्यक्त केला आहे.

 

हवामान विभागानुसार, विदर्भात पुढील काही दिवस पावसाचा जोर कायम राहणार असून नागरिकांनी सावध राहून अधिकृत सूचनांचे पालन करणे आवश्यक आहे.

 

दरम्यान, धान, सोयाबीन आणि कापूस यासारखी उभी पिके पावसापासून वाचवण्यासाठी शेतकऱ्यांनी खबरदारी घेणे आवश्यक आहे. तसेच नद्या-नाल्याजवळ जाणे टाळावे आणि पूल ओलांडताना दक्षता बाळगावी, असेही प्रशासनाचे आवाहन आहे.