भारताने केलेली दहशतवादाविरोधातील कारवाई गरजेची; शरद पवारांची शस्त्रसंधीवर प्रतिक्रिया

 

 (Image Source : Internet)

भारत आणि पाकिस्तान यांच्यात शस्त्रसंधी झाल्यानंतर राष्ट्रवादी काँग्रेस पक्षाचे अध्यक्ष शरद पवार (Sharad Pawar) यांनी आपल्या सोशल मीडिया पोस्टद्वारे भारताच्या सुरक्षेसंबंधी आपली भूमिका स्पष्ट केली आहे.

 

पवार यांनी आपल्या पोस्टमध्ये म्हटलं की, "भारताने कधीच दहशतवादाला प्रोत्साहन दिलं नाही. 'ऑपरेशन सिंदूर'अंतर्गत, भारताने फक्त दहशतवादी तळांवर तीव्र आणि अत्यंत अचूक कारवाई केली. पाकिस्तानच्या लष्करी तळांवर किंवा नागरिकांवर हल्ला करण्याचा कोणताही हेतू भारताचा नव्हता. ही कारवाई केवळ देशाच्या सुरक्षेसाठी अत्यंत आवश्यक होती."

 

पवार पुढे म्हणाले, "पाकिस्तानकडून सतत होणाऱ्या असंविधानिक कृतींना संयमाने आणि ठामपणे उत्तर देणं हे भारताचं कर्तव्य आहे. भारताने ते शांततेच्या दृष्टीकोनातून पार केलं आहे."

 

शरद पवार यांनी जोडले की, "भारत नेहमीच शांततेच्या मार्गाचा पुरस्कर्ता राहिला आहे, आणि अशा प्रकारच्या घडामोडी जर घडल्या तर त्याचे स्वागतच आहे. मात्र, दहशतवादाविरोधात कठोर आणि ठोस पावले उचलणं हे आंतरराष्ट्रीय समुदायाचं सामूहिक कर्तव्य आहे."

 

या पोस्टद्वारे शरद पवार यांनी भारताच्या सुरक्षा धोरणाचा ठाम समर्थन केला असून, शांततेच्या दिशेने केलेले पाऊल दहशतवादाविरोधातील जागतिक लढ्याला अधिक बळ देईल, असे त्यांचे म्हणणे आहे.