तिरुवनंतपुरममध्ये डाव्यांच्या किल्ल्याला सुरुंग, NDA चा दणदणीत विजय; पीएम मोदी भावूक
Total Views |
Image Source;(Internet)
तिरुवनंतपुरम :
केरळच्या पालिका निवडणुकीत तिरुवनंतपुरम (Thiruvananthapuram) महानगरपालिकेवर गेल्या ३० वर्षांपासून सलग सत्ता राखणाऱ्या डाव्या आघाडीला (एलडीएफ) मोठा धक्का बसला आहे. या ठिकाणी भाजप-एनडीएला मोठा विजय मिळाला असून, यामुळे केरळच्या राजकारणात ऐतिहासिक बदल घडून आले आहेत.
भाजपाने तिरुवनंतपुरम महानगरपालिकेतील ५० जागा जिंकून बहुमत जवळ आणले आहे. बहुमतीसाठी आवश्यक असलेल्या ५१ जागांमध्ये फक्त एका अपक्षाच्या समर्थनाची गरज असल्याने भाजपाला सत्तास्थापनेसाठी पाठिंबा मिळण्याची शक्यता आहे. यंदा युडीएफ तिसऱ्या क्रमांकावर राहिला आहे.
पंतप्रधान नरेंद्र मोदी यांनी या ऐतिहासिक विजयाबद्दल सोशल मीडियावर आनंद व्यक्त करत भाजपाच्या कार्यकर्त्यांचे मनोबल वाढवले. त्यांनी लिहिले की, "तिरुवनंतपुरम कॉर्पोरेशनमध्ये भाजपा-एनडीएला मिळालेला जनादेश हा केरळच्या राजकारणातील एक मोठा आणि ऐतिहासिक क्षण आहे. लोकांना पटले आहे की राज्याच्या विकासाच्या आकांक्षा फक्त आमच्या पक्षाच्या नेतृत्वाखाली पूर्ण होऊ शकतात."
मोदी यांनी दुसऱ्या पोस्टमध्ये भाजप कार्यकर्त्यांचे खास आभार मानले, "जमीनीस्तरावर कठोर परिश्रम करणाऱ्या कार्यकर्त्यांमुळेच आजचा निकाल शक्य झाला आहे. आमचे कार्यकर्ते ही आमची ताकद आहेत आणि आम्हाला त्यांचा अभिमान आहे."
हा विजय डाव्या आघाडीच्या ३० वर्षांच्या सत्ताधारी काळाला ठोकून बसला असून, केरळच्या राजकारणात एनडीएचा दबदबा वाढण्याची शक्यता वाढली आहे. भाजपा कार्यकर्त्यांमध्ये या विजयामुळे उत्साहाचे वातावरण आहे आणि ते पीएम मोदी यांच्या नेतृत्वावर पूर्ण विश्वास व्यक्त करत आहेत.
