नागपुरातील पंचतारांकित हॉटेलमध्ये गरम पाण्यामुळे १९ वर्षीय कर्मचाऱ्याचा दुर्दैवी मृत्यू

 

 Image Source:(Internet)

वर्धा रोडवरील पंचतारांकित ले मेरिडियन हॉटेलमध्ये काम करणाऱ्या १९ वर्षीय सचिन शिवाजी जाधव यांचा गरम पाण्यामुळे (Hot water) दुर्दैवी मृत्यू झाला आहे. दिग्रस तालुक्यातील हिवरा गावाचा रहिवासी सचिन हॉटेलच्या हाऊसकीपिंग विभागात कार्यरत होता.

 

२९ नोव्हेंबर रोजी संध्याकाळी साधारण सात वाजता साफसफाई करताना अचानक गरम पाण्याचा थेंब त्याच्यावर पडल्याने तो गंभीर जखमी झाला. ताबडतोब त्याला ऑरेंज सिटी हॉस्पिटलमध्ये दाखल केले गेले, पण काही दिवस उपचार सुरू असतानाच त्याचा मृत्यू झाला.

 

सचिनच्या वडिलांनी दिलेल्या तक्रारीवरून बेलतरोडी पोलिसांनी प्रकरणाची नोंद करून तपास सुरु केला आहे. घटनास्थळी अधिक चौकशी आणि तपास सुरू आहे.