आदित्य ठाकरे अन् अभिनेत्री भुमी पेडणेकर एकत्र; सोशल मीडियावर चर्चा रंगल्या, खास डिनरमागे नेमकं कारण काय?
Total Views |
Image Source:(Internet)
मुंबई :
माजी मंत्री आणि शिवसेना (UBT) नेते आदित्य ठाकरे (Aditya Thackeray) पुन्हा एकदा चर्चेत आले आहेत. सोशल मीडियावर सध्या त्यांचा आणि प्रसिद्ध बॉलिवूड अभिनेत्री भुमी पेडणेकर यांचा एक व्हिडीओ जोरदार व्हायरल होत आहे. दोघेही मुंबईतील वांद्रे परिसरातील एका रेस्टोरंटमध्ये एकत्र दिसले असून, या व्हिडीओने नेटकऱ्यांमध्ये उत्सुकता निर्माण केली आहे.
व्हिडीओमध्ये आदित्य ठाकरे आणि भुमी पेडणेकर यांच्यासोबत काही इतर पाहुणेही उपस्थित होते. हा व्हिडीओ समोर आल्यानंतर सोशल मीडियावर “ही भेट लंच डेट होती का बिझनेस मीटिंग?” अशा चर्चा रंगल्या आहेत. काहींनी दोघांचं कौतुक केलं तर काहींनी मजेशीर प्रतिक्रिया दिल्या.
YGL सदस्यांसाठी भूमीकडून खास आयोजन-
मिळालेल्या माहितीनुसार, भुमी पेडणेकरने YGL (Young Global Leaders) समुदायातील सदस्यांसाठी खास डिनरचे आयोजन केले होते. या बैठकीत आदित्य ठाकरे आणि क्रिस्टर जोस सहभागी झाले होते. भुमी स्वतःही वर्ल्ड इकॉनॉमिक फोरमच्या YGL कम्युनिटीची सदस्य आहे आणि यावर्षी सप्टेंबरमध्ये जिनिव्हा येथे झालेल्या YGL समिट 2025 मध्ये सहभागी होणारी पहिली भारतीय अभिनेत्री ठरली होती.
या भेटीदरम्यान झालेल्या चर्चांचा अधिकृत तपशील समोर आलेला नसला तरी, दोघांच्या भेटीमागे सामाजिक आणि पर्यावरणीय उपक्रमांवरील चर्चाच झाल्या असाव्यात, असा अंदाज व्यक्त केला जात आहे.
दोघेही सामाजिक कार्यात सक्रिय-
भुमी पेडणेकर ही केवळ अभिनेत्री नसून पर्यावरण संवर्धन, स्त्री सबलीकरण आणि सामाजिक मोहिमांमध्ये सक्रिय भूमिका बजावते. ती विविध स्वयंसेवी संस्थांशी जोडलेली आहे आणि सोशल मीडियावर सतत जनजागृती करत असते.
तर आदित्य ठाकरे हे उद्धव ठाकरे यांचे पुत्र आणि बाळासाहेब ठाकरे यांचे नातू असून, राज्यातील तरुण आणि प्रभावी नेत्यांपैकी एक मानले जातात. ते पर्यावरण, शिक्षण आणि नागरी विकासाशी संबंधित विषयांवर काम करतात.
६ नोव्हेंबर रोजी झालेल्या या भेटीनंतर काही तासांतच व्हिडीओ व्हायरल झाला आणि सोशल मीडियावर चर्चा पेटल्या. काहींनी या दोघांच्या सामाजिक बांधिलकीचे कौतुक केले, तर काहींनी त्यांच्या “केमिस्ट्री”वरही कमेंट्स केल्या.
पूर्वीही आदित्य ठाकरे यांचा अभिनेत्री दिशा पटानी सोबतचा व्हिडीओ चर्चेत आला होता. त्यामुळे आता पुन्हा भुमी पेडणेकरसोबतचा हा नवा व्हिडीओ सोशल मीडियावरील गॉसिपचा हॉट टॉपिक ठरला आहे.
