मुंबईसह राज्यातील ६ महापालिका निवडणुका उद्धव–राज एकत्र लढणार

 

 Image Source:(Internet)

राज्याच्या राजकारणात खळबळ उडवत माजी मुख्यमंत्री आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे (Uddhav Thackeray) यांनी मंगळवारी 'शिवतीर्थ' निवासस्थानी महाराष्ट्र नवनिर्माण सेनेचे अध्यक्ष राज ठाकरे यांची भेट घेतली. दोन्ही बंधूंच्या या भेटीनंतर आगामी महापालिका निवडणुका एकत्र लढण्याचा प्राथमिक निर्णय पक्का झाल्याचे सूत्रांचे म्हणणे आहे.

 

मुंबईसह राज्यातील सहा महत्त्वाच्या महानगरपालिकांमध्ये मनसे आणि ठाकरे गट संयुक्तरित्या मैदानात उतरणार आहेत. या महापालिका पुढीलप्रमाणे:

 

या सहा शहरांत दोन्ही पक्षांनी एकत्र लढण्याची भूमिका घेतल्याने शिवसेना-मनसे समीकरणात मोठा बदल घडण्याची चिन्हे आहेत.

युती औपचारिक करण्यासाठी दोन्ही पक्षांनी काही वरिष्ठ नेत्यांची नियुक्ती केली आहे.

ठाणे: शिवसेनेतून राजन विचारे तर मनसेकडून अविनाश जाधव हे जागा वाटपावर चर्चा करणार.

कल्याण-डोंबिवली: ठाकरे गटातून वरुण सरदेसाई आणि मनसेकडून राजू पाटील हे चर्चेची जबाबदारी सांभाळतील.

 

युती जाहीर झाली असली तरी मुंबईसाठी जागा वाटपाचे गणित मात्र गुंतागुंतीचे ठरत आहे.मनसेची भूमिका: मराठीबहुल प्रभागांमध्ये अधिक वाटा मिळावा, यासाठी मनसे आग्रही आहे. ठाकरे गटाच्या २०–२५ विद्यमान नगरसेवकांच्या जागांवरही मनसेने दावा सांगितल्याची चर्चा.

 

ठाकरे गटाचे मत: उमेदवारांची जनाधार क्षमता, संघटनशक्ती आणि जिंकण्याची शक्यता लक्षात घेऊनच अंतिम निर्णय घेतला जाईल, असा त्यांचा ठाम पवित्रा.

 

संवेदनशील प्रभाग: दादर–माहिम, वरळी, शिवडी, भायखळा, भांडूप, जोगेश्वरी या भागांतील सीट्सवर दोन्ही पक्षांत विस्तृत मंथन सुरू आहे.

 

पहिल्या भेटीत जागा वाटपाचा ठोस फॉर्म्युला निश्चित झाला नसल्याने पुढील काही दिवसांत उद्धव आणि राज ठाकरे यांच्यात आणखी काही फेऱ्या होण्याची शक्यता आहे. प्रत्येक प्रभागावर वेगवेगळ्या पातळीवर तपशीलवार चर्चा करूनच अंतिम युतीचा आराखडा जाहीर केला जाईल, अशी माहिती सूत्रांकडून मिळत आहे.

 

ठाकरे बंधू एका व्यासपीठावर आल्याने राज्यातील राजकीय समीकरणांमध्ये मोठी उलथापालथ घडण्याची चिन्हे दिसू लागली आहेत.