पंतप्रधान मोदींनी दिल्ली स्फोटातील जखमींची घेतली भेट

 

 Image Source:(Internet)

नवी दिल्ली :

पंतप्रधान नरेंद्र मोदी (Modi) भूतानमधून परतताच दिल्लीतील लाल किल्ला परिसरात झालेल्या स्फोटातील जखमींची भेट घेण्यासाठी एलएनजेपी रुग्णालयात गेले. त्यांनी जखमींच्या प्रकृतीची चौकशी केली आणि त्यांना दिलासा दिला.

 

दिल्ली स्फोटानंतर आज संध्याकाळी पंतप्रधान मोदी यांच्या अध्यक्षतेखाली सुरक्षा मंत्रिमंडळ समितीची (सीसीएस) महत्त्वाची बैठक होणार आहे. या बैठकीत स्फोटाची सध्याची माहिती आणि पुढील उपाययोजना यावर चर्चा केली जाईल.

 

मंगळवारी गृहमंत्री अमित शहा यांनी सुरक्षा यंत्रणांसोबत तपासाचा आढावा घेतला आणि प्रकरणाचा तपास राष्ट्रीय तपास संस्था (NIA) कडे दिला.

 

भूतान दौऱ्यात असतानाही पंतप्रधानांनी या घटनेबाबत कठोर भूमिका घेतली आणि दोषींना कडक शिक्षा मिळेल असा ठाम इशारा दिला. त्यांनी म्हटले,सर्व दोषींना न्याय मिळवून दिला जाईल.”