डोनाल्ड ट्रम्प यांचा मोठा निर्णय; भारतावरील टॅरिफ कमी होणार

 

 Image Source:(Internet)

भारत आणि अमेरिकेतील व्यापार संबंधात मोठी घडामोड होण्याची शक्यता आहे. अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांनी भारतावर लागू असलेले आयात शुल्क कमी करण्याचा विचार सुरू केल्याची माहिती समोर आली आहे. यामुळे दोन्ही देशांमधील आर्थिक संबंधांना नवी गती मिळू शकते.

 

सध्या अमेरिकेने भारतीय वस्तूंवर तब्बल ५० टक्क्यांपर्यंत कर लागू केला आहे. या दरात सुमारे १५ टक्क्यांची कपात होण्याची शक्यता वर्तवली जात आहे. यामुळे भारतातील निर्यातदारांना मोठा दिलासा मिळणार असून व्यापारात वाढ होईल, असे मानले जात आहे.

 

अमेरिकेने भारतावर जादा कर लावण्यामागे रशियाकडून तेल खरेदी हा मुद्दा महत्त्वाचा ठरला होता. मात्र आता भारत अमेरिकेसोबत व्यापार वाढवण्यासाठी विविध पावले उचलत आहे. या पार्श्वभूमीवर अमेरिकेकडून करात सवलत मिळण्याची चिन्हे दिसत आहेत.

 

भारत आणि अमेरिकेतील चालू चर्चेच्या माध्यमातून व्यापारातील तणाव कमी होण्याची अपेक्षा आहे. या निर्णयामुळे भारताच्या अर्थव्यवस्थेला चालना मिळेल आणि दोन्ही देशांतील सहकार्य अधिक बळकट होईल, असा अंदाज व्यक्त केला जात आहे.