नेपाळच्या त्रिभुवन विमानतळावर मोठी दुर्घटना; टेक ऑफ घेताच विमान कोसळले
Total Views |
एबी न्यूज नेटवर्क :
नेपाळच्या काठमांडूमधून मोठ्या दुर्घटनेची माहिती पुढे येत आहे, काठमांडू येथील त्रिभुवन विमानतळावरून विमानाने टेक ऑफ घेताच विमान कोसळले, विमान कोसळताच विमानाने पेट घेतला. वृत्तवाहिनीकडून मिळालेल्या माहितीनुसार, या अपघातात 18 जणांचा मृत्यू झाला आहे. विमानात एकूण १९ जण असल्याची प्राथमिक माहिती मिळाली आहे.
#WATCH | Plane crashes at the Tribhuvan International Airport in Nepal's Kathmandu. Details awaited pic.twitter.com/tWwPOFE1qI
— ANI (@ANI) July 24, 2024
कोसळलेले विमान हे सूर्या एअरलाइन्सचे आहे. हे विमान काठमांडू येथील त्रिभुवन आंतरराष्ट्रीय विमानतळावरून पोखराला जात होते. विमानात विमान कंपन्यांचे तांत्रिक कर्मचारी बसून असल्याची माहिती मिळत आहे. विमान कोसळताच त्याचे रूपांतर आगीच्या गोळ्यात झाले आणि आकाशात अचानक धुराचे लोट दिसू लागले.
#WATCH | Plane crashes at the Tribhuvan International Airport in Nepal's Kathmandu
— ANI (@ANI) July 24, 2024
Details awaited pic.twitter.com/DNXHSvZxCz
मिळालेल्या माहितीनुसार, या अपघातात १८ जणांचा मृत्यू झाला असून, विमानात १९ जण असल्याची माहिती आहे. आता सेनाद्वारे मदत आणि बचाव कार्य केले जात आहे. विमानातील आगीवर नियंत्रण मिळवण्याचे प्रयत्न सुरू आहेत. अग्निशमन विभागाच्या पथकाकडून पाण्याचा मारा करण्यात येत आहे.
#UPDATE | Death toll in the Kathmandu plane crash rises to 18.
— ANI (@ANI) July 24, 2024
CRJ7 (Reg-9NAME) of Sourya Airlines took off from Kathmandu at 11:11 am local time during the flight to Pokhara, turned right and crashed at a place on the east side of the runway. It is reported that the fire was… pic.twitter.com/hkTAcI1B1Q
त्रिभुवन आंतरराष्ट्रीय विमानतळाने दिलेल्या माहितीनुसार, सूर्या एअरलाइन्सचे CRJ7 (Reg-9NAME) काठमांडू येथून स्थानिक वेळेनुसार सकाळी ११:११ वाजता पोखरा येथे उड्डाण करत असताना उजवीकडे वळले आणि धावपट्टीच्या पूर्वेकडील ठिकाणी अपघात झाला. आग आटोक्यात आणण्यात आली असून तातडीने बचावकार्य सुरू करण्यात आल्याचे वृत्त आहे. या अपघातात १८ लोकांचे मृतदेह बाहेर काढण्यात आले असून एका जखमी व्यक्तीला वाचवून रुग्णालयात नेण्यात आले आहे.
