राजकीय घडामोडींना वेग; अजित पवारांनी दिल्लीत घेतली अमित शहांची भेट

 

 

राज्यात आगामी विधासभा निवडणुकीच्या तोंडावर राजकीय घडामोडींना वेग आला आहे. यातच उपमुख्यमंत्री अजित पवार आणि केंद्रीय गृहमंत्री आणि भाजप नेते अमित शहा यांच्यात रात्री 1 वाजता भेट झाली. या भेटीनंतर राजकीय चर्चा रंगल्या आहेत. अजित पवार यांच्यासोबत त्यांचे सहकारी खासदार सुनील तटकरे, आणि प्रफुल पटेल हे देखील होते. त्यांची अमित शहांसोबत भेट 40-45 मिनिटं चर्चा झाल्याची माहिती समोर येत आहे. अजित पवारांच्या दिल्ली दौऱ्याने अनेकांच्या भुवया उंचावल्या आहेत.