सीजी पीएससी भरतीप्रकरणी दोन FIR दाखल; अनेक अधिकाऱ्यांचा समावेश

 (Image Source : Internet/ Representative)

 

छत्तीसगड राज्यात लोकसेवा आयोगाच्या भरतीप्रकरणी दोन एफआयआर दाखल करण्यात आल्या आहेत. या दोन्ही FIR सरकारने सीबीआयकडे हस्तांतरित केल्या असून सीबीआयने याप्रकरणी चौकशी सुरु केली आहे. मिळालेल्या माहितीनुसार, या दोन्ही FIR मध्ये सीजी पीएससीच्या तत्कालीन अधिकाऱ्यांसह प्रशासकीय आणि पोलिस सेवेतील अधिकाऱ्यांचाही समावेश आहे. या अधिकाऱ्यांनी कथितरित्या त्यांच्या नातेवाईकांना तसेच लोकप्रतिनिधींना नोकऱ्या दिल्या असल्याची माहिती मिळाली आहे.

 

तक्रारपत्राच्या आधारे, छत्तीसगड लोकसेवा आयोगाचे तत्कालीन अध्यक्ष तमनसिंग सोनवाणी, तत्कालीन सचिव जीवन किशोर ध्रुव, तत्कालीन परीक्षा नियंत्रक आणि त्यावेळेस तैनात असलेले लोकसेवक आयोग आणि संबंधित राजकारणी व इतरांनी आपल्या पदाचा गैरवापर करून आणि राजकीय प्रभावाचा वापर करून आपला मुलगा, मुलगी आणि नातेवाईकांना छत्तीसगड लोकसेवा आयोगाच्या २०२० आणि २०२१ च्या निवड प्रक्रियेत गुन्हेगारी कट रचून अनेक पात्र उमेदवारांच्या बदल्यात बेकायदेशीर पद्धतीने निवड परीक्षा देऊन त्यांची शासकीय पदांसाठी निवड करताना, भ्रष्ट कारभाराने शासनाची आणि त्या पात्र उमेदवारांची फसवणूक केली आहे. हे कलम १२० बी, ४२०, आयपीसी आणि कलम ७, ७ (क) चे उल्लंघन आहे. त्यामुळे आयपीसी 2018 अन्वये गुन्हा केल्याचे निष्पन्न झाले आहे. त्यामुळे गुन्हा दाखल करून तपास सुरू करण्यात आला आहे, असे त्यात म्हटले आहे.