राष्ट्रवादीचे नेते एकनाथ खडसे यांना हृदयविकाराचा झटका

 

 

महाराष्ट्रातील राजकीय वर्तुळातून एक मोठी बातमी समोर येत आहे. राष्ट्रवादी काँग्रेसचे ज्येष्ठ नेते, आमदार एकनाथ खडसे यांना हृदयविकाराचा झटका आल्याची माहिती आहे. याबाबत माहिती मिळताच राज्याचे मुख्यमंत्री एकनाथ शिंदे यांनी तातडीने सूत्रे हलवत एअर ॲम्ब्युलन्सची सोय केली आहे. एकनाथ खडसे यांना उपचारासाठी एअर ॲम्ब्युलन्सने मुंबईत आणले जाणार असल्याचे सध्या वृत्त आहे.

 

मिळालेल्या माहितीनुसार, एकनाथ खडसे यांना दुपारच्या सुमारास अचानक छातीत दुखू लागले. यावेळीच त्यांना हृदयविकाराचा झटका आला. प्रथमोपचारासाठी एकनाथ खडसे यांना जळगावच्या गजानन रुग्णालयात दाखल करण्यात आले आहे. येथे त्यांच्यावर उपचार सुरु आहेत. तसेच खडसे यांना हृदयविकाराचा झटका येताच त्यांची कन्या रोहिणी खडसे यांनी मुख्यमंत्री एकनाथ शिंदे यांच्याशी संपर्क साधत त्यांना सर्व माहिती दिली. यानंतर मुख्यमंत्री शिंदे यांनी तातडीने फोन करत एअर ॲम्ब्युलन्सची सोया करण्याचे आदेश दिले. एकनाथ खडसे यांना पुढील उपचारासाठी आज संध्याकाळी ७.३० या एअर ॲम्ब्युलन्सने जळगावहून मुंबईला आणण्यात येणार आहे.

 

दरम्यान, मुख्यमंत्री एकनाथ शिंदे सध्या सातारा येथील दरे या त्यांच्या गावी गेले आहेत. यावेळी त्यांना एकनाथ खडसे यांच्या प्रकृतीविषयीचा फिन आला. यानंतर त्यांनी तेथूनच सूत्रे हलवत एअर ॲम्ब्युलन्सची व्यवस्था करण्याचे आदेश देत खडसे यांना उपचारासाठी मुंबईला हलवण्याचा सोय केली आहे.