राष्ट्रवादीचे सर्वेसर्वा शरद पवार १२ डिसेंबरला नागपूरात

 

 

नागपूर : राष्ट्रवादी काँग्रेसचे युवा आमदार रोहीत पवार यांची संघर्ष यात्रा निघाली आहे. ही संघर्ष यात्रा १२ डिसेंबरला २०२३ ला नागपूर विधानसभेवर धडकनार आहे. या यात्रेला समारोपीय कार्यक्रमाला राष्ट्रवादी काँग्रेसचे राष्ट्रीय अध्यक्ष शरद पवार उपस्थित राहणार असल्याची माहिती राष्ट्रवादी काँग्रेसचे नेते माजी गृहमंत्री आमदार अनिल देशमुख यांनी दिली.

 

राष्ट्रवादी काँग्रेसचे आ. रोहित पवार यांची २४ ऑक्टोंबर २०२३ पासून संघर्ष यात्रा निघाली आहे. जवळपास ८०० किलोमीटरची ही पदयात्रा राहणार आहे. राज्यातील कंत्राटी नोकरभरती रद करण्यासाठी, बेरोजगारी कमी करण्यासाठी, जातिनीहाय जनगणना करण्यात यावी, शाळा दत्तक योजना रद करण्यात यावी, महिला सुरक्षेसाठी शक्ती कायदा लागू करण्यासाठी, ड्रग्जच्या विळख्यात सापडलेली तरुणाई वाचविण्यासाठी यासह इतर मागण्यासाठी ही पदयात्रा काढण्यात येणार आहे.

 

12 डिसेंबर 2023 ला ही यात्रा नागपूर येथे येणार असून याचे रुपांतर मोर्चात होवून हा मोर्चा विधानभवनावर धडकणार आहे. मोर्चाचे झिरोमाईल येथे सभेत रुपांतर होणार आहे. या मोर्चाला संबोधीत करण्यासाठी राष्ट्रवादी काँग्रेसचे राष्ट्रीय अध्यक्ष शरद पवार यांच्यासह इतर अनेक मान्यवर उपस्थित राहणार असल्याची माहीती अनिल देशमुख यांनी दिली आहे.