कार्तिक पोर्णिमच्या पर्वावर विश्वविख्यात ड्रॅगन पॅलेस टेम्पलचा २४ वा वर्धापन दिन

 

कामठी : कार्तिक पौणिमेच्या पावन पर्वावर विश्वविख्यात ड्रॅगन पॅलेस टेम्पलच्या वर्धापन दिनानिमित्त सोमवारी, २७ नोव्हेंबर २०२३ रोजी सकाळी १० वाजता जपान येथील आंतरराष्ट्रीय बुध्दिष्ट फेलोशिप असोसिएशन व निविंरेन-शु सोनेनजी विहायचे प्रमुख वंदनीय पूज्य भदन्त निवियु (कानसेन) मोविदा यांच्या प्रमुख उपस्थितीत विशेष बुद्ध वंदना व धम्मदेसना संपन्न होणार आहे. या विशेष युध्द वंदनेत जपान येथील जवळपास ३० बुद्ध विहाराचे प्रमुख भिक्खु संघाचा सुध्दा सहभाग राहणार आहे.

 

उल्लेखनीय म्हणजे, कोरोनाच्या प्रादुर्भावामुळे गेल्या ४ वर्षापासून जपान येथील पुजनीय भिक्खू संघ ड्रॅगन पॅलेसच्या वर्धापन दिनी उपस्थित राहू शकले नाहीत. परंतु या वर्षी ड्रॅगन पॅलेसच्या २४ व्या वर्धापन दिनानिमित्त जपान येथील पुजनीय भिक्खू संघाच्या उपस्थितीत विशेष बुध्द वंदना होण्याचा आनंद ट्रॅगन पॅलेसच्या प्रमुख ॲड. सुलेखाताई कुंभारे यांनी व्यक्त केला. डॉ. बाबासाहेब आंबेडकर आंतरराष्ट्रीय विमानतळावर २६ नाव्हेंबर २०२३ रोजी आगमन प्रसंगी ओगावा सोसायटीद्वारे पुजनीय भिक्खू संघाचे भव्य स्वागत करण्यात येईल.

 

महाराष्ट्र शासनाच्या सांस्कृतिक कार्य विभाग, सांस्कृतिक कार्य संचालनालयाद्वारा सोमवार २७ नोव्हेंबर व मंगळवार २८ नोव्हेंबर २०२३ रोजी, असे दोन दिवसीय 'ड्रॅगन पॅलेस फेस्टीवल चे आयोजन सुध्दा करण्यात आलेले आहे या ड्रॅगन पॅलेस फेस्टीवल मध्ये विविध धार्मीक, सामाजिक व सांस्कृतिक कार्यक्रमाचा समावेश आहे.

 

ड्रॅगन पॅलेस फेस्टीवलचे उद्‌घाटन महाराष्ट्र राज्याचे उपमुख्यमंत्री देवेंद्र फडणवीस यांच्या शुभ हस्ते सोमवार २७ नोव्हेंबर रोजी दुपारी १:३० वाजता संपन्न होणार आहे. या प्रसंगी केंद्रीय मंत्री नितीन गडकरी व महाराष्ट्र राज्याते वने, सांस्कृतिक कार्य व मत्स्य व्यवसाय मंत्री सुधीर मुनगंटीवार यांची प्रमुख उपस्थिती राहणार आहे. ड्रॅगन पॅलेस फेस्टीवलच्या निमित्ताने विद्यालय व महाविद्यालयातील विद्यार्थ्यांना तसेच स्थानिक कलावंतांना विविध प्रबोधनपर सामाजिक व सांस्कृतिक कार्यक्रमाचे सादरीकरण करण्याकरिता ड्रॅगन पॅलेस फेस्टीवलचे व्यासपीठ उपलब्ध करून देण्यात येणार आहे.

 

ड्रॅगन पॅलेस फेस्टीवल अंतर्गत मुंबई येथील इंडीयन आयडल फेम, राहुल सक्सेना तसेच सारेगामा फेम राहुल भोसले यांचे 'बुद्ध ही बुध्द' या गीतांच्या कार्यक्रमाचे आयोजन २७ नोव्हेंबर रोजी सायंकाळी ७ वाजता करण्यात आले आहे. तसेच मंगळवार २८ नोव्हेंबर रोजी सायंकाळी ५ ते ७ दरम्यान मुंबई बँड व म्युजिक मेडीटेशनचे सादरीकरण संतोष सावंत व संघ करणार आहेत. सायंकाळी ७ वाजता प्रसिध्द गायक अभिजीत कोसंबी व प्रसन्नजीत कोसंबी यांचे प्रबोधनपर बुद्ध व भीम गीतांच्या कार्यक्रमाचे सुध्दा आयोजन करण्यात आले आहे.

 

 

ट्रॅगन पॅलेस परिसरात १५ हजार स्क्वेअर फीट असलेल्या भव्य दिव्य उभारण्यात आलेल्या 'फुड कोर्ट (Food Court) चे उद्‌घाटन डॅगन पॅलसच्या २४ व्या वर्धापन दिनानिमित्त करण्यात येणार आहे. या फुड कोर्टचे उद्‌घाटन उपमुख्यमंत्री देवेंद्र फडणवीस यांच्या हस्ते दुपारी १.३० वाजता संपन्न होईल. या फुड कोर्टचे अप्रतिम आर्किटेक्चर डिझाईन सुप्रसिध्द आर्किटेक्ट हबीब खान यांनी केले असून दिलीप मसे यांनी स्ट्रक्चरल डिझाईन केले आहे. या फुड कोर्टच्या बांधकामाकरिता १५ हून अधिक एजन्सीजने आपले योगदान दिलेले आहे. सामाजिक न्याय विभाग यांच्या अर्थ साहाय्यातून या अप्रतिम अशा 'फुड कोर्ट'ची निर्मिती करण्यात आली आहे. लाखोच्या संख्येने विश्वविख्यात ड्रॅगन पॅलेसला भेट देणाऱ्या भाविकांना या 'फुड कोर्ट'च्या माध्यमातून विविध व्यंजनांचा आस्वाद घेता येईल, असे मत ड्रॅगन पॅलेसच्या प्रमुख, ओगावा सोसायटीच्या अध्यक्षा व माजी राज्यमंत्री ॲड. सुलेखाताई कुंभारे यांनी व्यक्त केले.

 

 

ड्रॅगन पॅलेस फेस्टीवलच्या निमित्ताने २७ व २८ नोव्हेंबर २०२३ रोजी प्रदर्शनीचे आयोजन ड्रॅगन पॅलस टेम्पल परिसरात करण्यात आले आहे. ही प्रदर्शनी सकाळी ११ ते सायंकाळी ७ वाजेपर्यंत लोकांकरिता उपलब्ध राहील. लघु सुक्ष्म व मध्यम विभाग, खादी ग्राम उद्योग हातमाग विभाग, वस्त्रोद्योग, महिला बचत गट, स्वयंसेवी संस्था व इतर संस्थांता या प्रदर्शनीमध्ये सहभाग राहणार आहे.

 

दोन दिवसीय 'ड्रॅगन पॅलेस फेस्टीवल'ला यशस्वी करण्याकरिता ड्रॅगन पॅलेस, ओगावा सोसायटी, हरदास विद्यालय, ड्रगन इंटरनॅशनल स्कुल, हरदास शैक्षणिक व सांस्कृतिक संस्था, डॉ. बाबासाहेब आंबेडकर सांस्कृतिक संशोधन केंद्र, दादासाहेब कुंभारे बहुउद्देशीय प्रशिक्षण केंद्र व इतर सामाजिक संस्थेतील पदाधिकारी, शिक्षकवृंद, धम्मसेवक धम्मसेविका हे अथक परिश्रम घेत आहेत. ड्रॅगन पॅलेस फेस्टीवलच्या दोन दिवसीय विविध धार्मिक, सामाजिक व सांस्कृतिक कार्यक्रमाच्या मेजवानीचा जास्तीत जास्त संख्येनी उपस्थित राहून आनंद घ्यावा, असे आवाहन ॲड. सुलेखाताई कुंभारे यांनी केले आहे.