मधुमेह, हृदयविकारापासून बचावासाठी सूर्यनमस्कार सर्वोत्कृष्ट योगासन; जाणून घ्या फायदे, आसनांची सविस्तर माहिती

 

 

शरीराला निरोगी ठेवण्यासाठी योगासन करणे अतिशय महत्वाचे आहे. नियमितपणे योगासन केल्याने स्वतःला तणावमुक्त ठेवण्याबरोबरच अनेक आजारांच्या धोक्यापासूनही दूर ठेवता येते. तसेच मानसिकदृष्ट्याही तंदुरुस्त राहण्यास मदत मिळते. आळशीपणामुळे बरेच लोक काम करण्याचा कंटाळा करतात. परंतु, योगासन हा शरीराला उत्साही आणि ॲक्टिव्ह ठेवण्यास मदत करतो.

योगासन म्हणजे अनेक आजारांवरील रामबाण उपाय असेही म्हणतात. अगदी लहानांपासून ते ज्येष्ठ नागरिकांसाठी उपयुक्त असलेल्या योगासनाचे महत्वाचे आपण सर्वच जाणतो. दररोज सकाळी एक ते दोन तास योगासन करावे, असे म्हणतात. परंतु, आजच्या दगदगीच्या जीवनात प्रत्येकालाच सर्व गोष्टी घाईत आटपवायच्या असतात. मग तो योगा असो वा इतर दुसरे काम. अशावेळी सूर्यनमस्कार हा उत्तम पर्याय ठरतो. सूर्यनमस्कार एकाच वेळी १२ योगासनांचा लाभ देतो. म्हणून याला सर्वोत्कृष्ट योगासन देखील म्हटले जाते. सूर्यनमस्काराबद्दल अधिक माहिती जाणून घेण्यासाठी अभिजित भारतने आयुर्वेदाचार्य निलेश वानखेडे (योगगुरू) यांच्याशी संवाद साधला.

आयुर्वेदाचार्य निलेश वानखेडे म्हणाले की, सूर्यनमस्कारला योग्य शास्त्रात कुठेही ग्रंथोक्त उल्लेख नाही. काळानुरूप प्रत्येक योगगुरूने यात जसजशी सुधारणा केली, त्या पध्दतीचा सूर्यनमस्कार आज जगभरात केला जातो. सूर्यनमस्कारात एकूण ७ आसने आणि १२ स्टेजेस असतात. सूर्य हा ऊर्जेचा सर्वात मोठा स्रोत आहे. प्राचीन काळातील ऋषी-मुनींपासून ते आज युगातील प्रत्येकजण सूर्याची पूजा करतात. सूर्याची बारा नावे आहेत. ही नावे घेऊन सूर्याची आराधना करणे हे सूर्यनमस्कारात १२ स्टेज असण्याचे मुख्य कारण आहे. सूर्यनमस्कार करण्यात कोणतीही वयोमर्यादा नाही. अगदी सात-आठ वर्षांच्या मुलांपासून ते एखाद्या व्यक्तीच्या शरीराला शक्य होत असेल, असा प्रत्येक व्यक्ती सहजपणे सूर्यनमस्कार करू शकतो.

 

 

सकाळी उठल्यानंतर रिकाम्या पोटीसूर्यनमस्कार करणे सर्वात चांगले आहे. बाहेर अंगणात, बागेत किंवा इतर ठिकाणी मोकळ्या जागेत सूर्यमनस्कर केल्याने शरीराला ताजी हवा मिळते. तसेच सूर्यनमस्कार करताना स्त्रियांनी अधिक काळजी घेणे गरजेचे आहे.

सुर्यनमस्काराचे फायदे